పాక్‌ ను ఉతికిఆరేసిన మెక్‌ డొర్మెట్‌!

వాషింగ్టన్‌ః భారత్‌ లో ఉగ్రవాదాన్నిపెంచి పోషిస్తున్న పాకిస్తాన్‌ వెంటనే సీమాంతర ఉగ్రవాదానికిస్వస్తి చెప్పాలని అమెరికన్‌ కాంగ్రెస్‌ సభ్యుడుజిమ్‌ మెక్‌ డొర్మెట్‌ డిమాండ్‌ చేశారు. పాకిస్తాన్‌ రోజూ పదులకొద్దీ తీవ్రవాదులను పాక్‌ ఆక్రమిత కాశ్మీర్‌ నుంచి జమ్ము కాశ్మీర్‌ లోకి పంపుతున్నదని ఆయన ఆరోపించారు. అమెరికా ప్రతినిధుల సభలో మంగళవారం ఆయన మాట్లాడుతూ ఈ వ్యాఖ్యలు చేశారు.

జమ్ము కాశ్మీర్‌ లో తీవ్రవాదం ఆ రాష్ట్రంలోనే పుడుతున్నదని ముషారఫ్‌ వ్యాఖ్యానిస్తున్నారని.... అలాంటప్పుడు పాక్‌ సరిహద్దుల నుంచి ఇస్లామిక్‌ తీవ్రవాదులు భారత్‌ లోకి ప్రవేశించకుండా అడ్డుకోవడానికి ముషారఫ్‌ కు అభ్యంతరం ఏమిటని మెక్‌ డొర్మెట్‌ నిలదీశారు. పాకిస్తాన్‌ లో తీవ్రవాదం వేళ్ళూనుకున్నదనేదిఅందరికీ తెలిసిన విషయమేనని, దానిని అరికట్టేందుకు పాకిస్తాన్‌ ఎటువంటి చర్యలు తీసుకున్న పాపానపోలేదని ఆయన అన్నారు. అమెరికా జర్నలిస్టుపెర్ల్‌ కిడ్నాప్‌ లో కూడా భారత్‌ హస్తం వున్నదంటూ ముషారఫ్‌ ఆరోపించారని, ఇటువంటి ఆరోపణల వల్ల పాక్‌ పట్ల మరింత నమ్మకం సన్నగిల్లుతుందని ఆయన చెప్పారు.