కాశ్మీర్‌కు అమెరికా దూరం

వాషింగ్టన్‌ః అమెరికా పర్యటనలో వున్న పాకిస్తాన్‌ అధినేత ముషారఫ్‌ను అమెరికా అధ్యక్షుడు జార్జ్‌బుష్‌ ప్రశంసల జల్లులో ముంచెత్తారు. తీవ్రవాదం పోరులో పాకిస్తాన్‌ పాత్రను ఆయన శ్లాఘించారు. ఆర్ధిక మాంద్యంతో సతమతమవుతున్న పాకిస్తాన్‌కు రుణసహాయం అందిస్తామని అమెరికా పాకిస్తాన్‌కు హామీ ఇచ్చింది.

అధ్యక్షుడు ముషారఫ్‌కు ఈఅంశం కొంత ఊరట నిచ్చింది. అయితే అదే సమయంలో కాశ్మీర్‌విషయంలో మాత్రం తాము కలగజేసుకోమని కూడా అమెరికా స్పష్టం చేసింది. ఈవిషయం ముషారఫ్‌కు తీవ్ర నిరాశ కలిగించింది. భారత్‌, పాకిస్తాన్‌ దేశాధినేతలు కాశ్మీర్‌అంశాన్ని చర్చల ద్వారా పరిష్కరించుకోవాలని కూడా బుష్‌ సలహా ఇచ్చారు. పాక్‌లో ముషారఫ్‌ ప్రభుత్వం ఎక్కుపెట్టిన ఆర్ధిక, సామాజిక, రాజకీయ సంస్కరణలను మాత్రం బుష్‌ ప్రభుత్వం బాగా పొగిడింది. పాకిస్తాన్‌తోసైనిక ద్వైపాక్షిక సంబంధాల పునరుద్దరణకు కూడా అమెరికా హామీ ఇచ్చింది.