దాడికి సిఎల్‌పి సన్నద్ధం

హైదరాబాద్‌ః అసెంబ్లీలో అధికార పక్షంపై దాడికి వీలుగా అన్ని రకాల వ్యూహాలకు విపక్ష కాంగ్రెస్‌ పదునుపెడుతున్నది. శుక్రవారం నాడు వైఎస్‌ రాజశేఖర్‌రెడ్డి సారథ్యంలో జరిగిన సిఎల్‌పి సమావేశంలో ప్రభుత్వాన్ని సభలో కడిగేయడానికి అవకాశం వున్న వివిధ అంశాలపై చర్చ జరిపారు.

ప్రభుత్వ స్థలాలను అడ్డగోలుగా విక్రయించడం, ప్రభుత్వంలో నేరస్తులకు స్థానం కల్పించడం వంటిఅంశాలను సభలో ప్రస్తావించనున్నట్టుగా సిఎల్‌పి నాయకులు చెప్పారు. ఈ సమావేశానికి మైసూరారెడ్డి మాత్రంహాజరు కాలేదు.విద్యుత్‌ చార్జీలపెంపు విషయంలో మున్సిపల్‌ ఎన్నికల సమయంలో ఇచ్చిన హామీలకువిరుద్దంగా చార్జీలను పెంచడానికి ప్రభుత్వం చేస్తున్న ప్రయత్నాలను ఎండగట్టనున్నట్టుగా వారు చెప్పారు. బిజెపి నేత ఇంద్రసేనారెడ్డి భార్యకు ఖరీదైన పబ్లిక్‌ పార్క్‌ స్థలాన్నిపెట్రోల్‌ బంక్‌ ఏర్పాటు కోసం కేటాయించిన అంశాన్ని కూడా సభలో నిలదీయనున్నట్టుగా కూడా వారు తెలిపారు.