కరెంట్‌ ఛార్జీలపెంపుపై సిపిఎం గరం

హైదరాబాద్‌:విద్యుత్‌ ఛార్జీల ప్రతిపాదనకు వ్యతిరేకంగా మార్చి పదవ తేదీ నుంచి ప్రచారోద్యమాన్ని చేపట్టాలని రాష్ట్ర సిపిఎం నిర్ణయించింది. ఈవిషయాన్ని సిపిఎం రాష్ట్ర కమిటీ కార్యదర్శి బి.వి. రాఘవులు శనివారంవిలేకరుల సమావేశంలో ప్రకటించారు.

ప్రజలను చైతన్యవంతులను చేసేందుకు ఒక కార్యాచరణ ప్రణాళికను రూపొందించనున్నట్లు ఆయన తెలిపారు. ప్రభుత్వం మూడు నుంచి పది రెట్ల వరకు ఆస్తి పన్నుపెంచబోతోందని, ఇది సామాన్యులకు భారంగా పరిణమిస్తుందని ఆయన అన్నారు. పార్టీ జాతీయ కమిటీ సమావేశంలో ప్రవేశపెట్టేందుకు ఒక నివేదికను రూపొందిస్తున్నట్లు ఆయన తెలిపారు.