వాజ్‌పేయితో విభేదించిన ఉమాభారతి

న్యూఢిల్లీ: రామజన్మ భూమివివాద పరిష్కారాన్ని కోర్టుకే వదిలేస్తే ఈ సమస్య పరిష్కారం కాకుండానే వుండిపోతుందని కేంద్ర మంత్రి ఉమాభారతి అన్నారు. అయోధ్యవివాదాన్ని కోర్టు తీర్పు ద్వారా మాత్రమే పరిష్కరించుకోవాలని ప్రధాని అటల్‌బిహారీ వాజ్‌పేయి చేసిన ప్రకటనతో విభేదిస్తూ ఉమాభారతి ఆజ్‌తక్‌కు ఇచ్చిన ఇంటర్వ్యూలో మాట్లాడారు.

అయోధ్య వివాదం కోర్టులో అలాగే వుండిపోతుందని, దాంతోవివాదం పరిష్కారం కాదని, దాంతో అది జాతీయ సమస్యగా ముందుకు వస్తూనే వుంటుందని ఆమె అన్నారు. రాముని జన్మ స్థలాన్ని నిర్ణయించడం కోర్టుకు కష్టమే అవుతుందని, కోర్టు ఈవిషయాన్ని నిర్ణయించడానికి సాక్ష్యాలు లభించబోవని, ఇదివిశ్వాసానికి సంబంధించిన విషయమని, ఇది రాముడు జన్మించిన స్థలమని నిర్ధారించడానికి సాక్షులు లేరని ఆమె అన్నారు.