మినీ సిగరెట్ల నిషేధంపై అఖిలపక్షం

హైదరాబాద్‌ః రాష్ట్రంలో లక్షలాది బీడికార్మికుల నోళ్ళలో మట్టికొడుతున్నమినీ సిగరెట్లను నిషేధించాల్సిందిగా ప్రతిపక్షాలు డిమాండ్‌ చేశాయి. ఈఅంశంపై స్వల్ప వ్యవధి ప్రశ్న కు కార్మిక శాఖ మంత్రి సుద్దాల దేవయ్య సమాధానం చెబుతూ బీడీకార్మికుల సమస్యలు,మినీ సిగరెట్టు గురించి చర్చించేందుకు త్వరలో అఖిలపక్ష సమావేశం ఏర్పాటు చేస్తామని హామీ ఇచ్చారు.

రాష్ట్రంలో లక్షలాది మంది బీడీ పరిశ్రమపై ఆధారపడి జీవిస్తున్నారని,మినీ సిగరెట్ల రాకతో వారి జీవితాల్లో చీకట్లు అలముకున్నాయని సిపిఎం సభ్యులు అన్నారు. ముఖ్యంగా నిరుపేదలైన మహిళలు ఈ పరిశ్రమపై ఆధారపడి జీవిస్తున్నారని వారన్నారు. బీడీ కార్మికులకు గుర్తింపు కార్డులుఅందజేసి వారికి తగిన ఉపాధి కల్పించాలని వారు డిమాండ్‌ చేశారు.మినీ సిగరెట్లు నిషేధిస్తామని గతంలో ముఖ్యమంత్రి చంద్రబాబు నాయుడు హామీ ఇచ్చారని, ఆ హామీని ఇంతవరకు ఎందుకు అమలు చేయలేకపోయారని కాంగ్రెస్‌ సభ్యులు నిలదీశారు.