మణిపూర్‌లోపెచ్చరిల్లిన పోలింగ్‌ హింస

ఇంఫాల్‌: మణిపూర్‌అసెంబ్లీ ఎన్నికల పోలింగ్‌లో హింసాత్మక సంఘటనలు చేసుకున్నాయి. రెండవ విడతపర్వత ప్రాంతాల్లోని ఐదు జిల్లాల్లో గల 20 శాసనసభా నియోజకవర్గాల్లో గురువారం పోలింగ్‌ జరిగింది. పోలింగ్‌ సందర్భంగా బూత్‌ ఆక్రమణలు, ఎన్నికల సామగ్రి దగ్ధం వంటి సంఘటనలు చోటు చేసుకున్నాయి. ముగ్గురు ప్రిసైడింగ్‌ అధికారులను దుండగులు కాల్చి చంపారు. రెండో విడత 80 శాతం పోలింగ్‌ జరిగింది.

చురచంద్‌పూర్‌, చండేలు, తామెంగులాంగ్‌, సేనాపతి జిల్లాల్లోని పలు పోలింగ్‌ కేంద్రాల్లో రీపోలింగ్‌కు ఆదేశించారు. కాంగ్రెస్‌ను బలపరిస్తే తీవ్ర పరిణామాలు ఎదుర్కోవాల్సి వస్తుందని నాగా తీవ్రవాదులు హెచ్చరికలు చేశారంటున్న ఉఖ్రుల్‌, సేనాపతి జిల్లాల్లోని చాలా ప్రాంతాల్లో పోలింగ్‌ ప్రశాంతంగా జరగడంవిశేషం. చండేలు నియోజకవర్గంలో ఒక పోలింగ్‌ బూత్‌ను దగ్ధం చేశారు.