పెర్ల్‌ హత్య వీడియోఅందుకున్న పాక్‌

కరాచిః వాల్‌ స్ట్రీట్‌ జర్నల్‌ జర్నలిస్టు డేనియల్‌పెర్ల్‌ ను చంపుతున్నప్పటి వీడియోను తీవ్రవాదులు పాకిస్తాన్‌ ప్రభుత్వానికిపంపారు. దక్షణ పాకిస్తాన్‌ లోని పాక్‌ ప్రతినిధి ఒకరు ఈవిషయాన్ని వెల్లడించారు. గురువారం రాత్రి 11 గంటలకు ఈ వీడియోఅందినట్లు అధికారులు చెప్పారు. డేనియల్‌ పెర్ల్‌ నిర్బంధంలో వున్నప్పటి దృశ్యాలు, ఆయనను దారుణంగా చంపుతున్న దృశ్యాలను వీడియోలో చిత్రీకరించారు.

సింధ్‌ రాష్ట్రంలోనిసీనియర్‌ అధికారి ఒకరు ఈ వీడియో గురించి మాట్లాడుతూ వీడియోలోని దృశ్యాలు వాస్తవమైనవిగానే కనిపిస్తున్నాయని చెప్పారు. వీడియో టేపు గురించి మాట్లాడేందుకు పోలీసు అధికారులు నిరాకరించారు.పెర్ల్‌ కిడ్నాప్‌ కేసులో అరెస్టయిన తీవ్రవాది ఒమర్‌షేక్‌ పై హత్య కేసు దాఖలు చేసి విచారిస్తామని మరోసీనియర్‌ పోలీసు అధికారి చెప్పారు.