పెర్ల్‌ హత్య ఇస్లాంకే సిగ్గుచేటుః ముషారఫ్‌

ఇస్లామాబాద్‌ః వాల్‌స్ట్రీట్‌ జర్నల్‌ రిపోర్టర్‌ డేనియల్‌ పెర్ల్‌ దారుణ హత్య పాకిస్తాన్‌కే కాకుండా ఇస్లాం మతానికే అవమానమని పాక్‌ అధ్యక్షుడు ముషారఫ్‌ అన్నారు.పెర్ల్‌ హత్యపై పాకిస్తాన్‌ టెలివిజన్‌ తో ఆయన మాట్లాడుతూ ఈ దారుణానికి బాధ్యులైన వారికోసం ముమ్మరంగా వేట సాగిస్తున్నట్లు చెప్పారు.పెర్ల్‌ కుటుంబానికి ప్రగాఢ సానుభూతిని ముషారఫ్‌ వ్యక్తం చేశారు.

తీవ్రవాదుల చర్యల వల్ల ఉగ్రవాదంపై పోరాట సంకల్పం మరింత బలపడిందని ఆయన అన్నారు.పెర్ల్‌ హంతకుల్ని పట్టుకొనేందుకు పాకిస్తాన్‌ ప్రభుత్వం అన్ని చర్యలు తీసుకోగలదని అమెరికా హోం శాఖ ఆశాభావం వ్యక్తం చేసింది.పెర్ల్‌ హత్య ఎలా జరిగిందనే అంశం కంటే హంతకుల్ని ఎలా శిక్షించాలనేఅంశపై దృష్టి సారించాలని ఆ శాఖ అభిప్రాయ పడింది. అయితేపెర్ల్‌ సతీమణి మెరినే మాత్రం తాను ప్రతీకారంకోరుకోవడం లేదని చెప్పడం విశేషం.