యుపిలో ఎస్‌పి హవా

లక్నోః ఉత్తరప్రదేశ్‌ అసెంబ్లీ ఎన్నికల్లో సమాజ్‌వాది పార్టీ హవా కనిపిస్తున్నది. అయితే చివరకు మాత్రం హంగ్‌ తప్పేట్టుగా లేదని పరిశీలకులు అంటున్నారు. సమాజ్‌వాది పార్టీసారథ్యంలోని కూటమి బిజెపి మధ్య పోటీ హోరాహోరీగా వున్నట్టు ఫలితాల సరళినిబట్టి వెళ్లడవుతున్నప్పటికీ అతిపెద్ద పార్టీగా మాత్రం ఎస్‌పినే అవతరించే అవకాశం వుంది. తృతీయ స్థానంలో బిఎస్‌పి వుంది.

కాంగ్రెస్‌ పరిస్థితే ఈ ఎన్నికల్లో దయనీయంగా వుంది. బిఎస్‌పి నేత మాయావతి ఘనవిజయం సాధించారు. పంజాబ్‌లో కాంగ్రెస్‌ మెజార్టీ సాధించే అవకాశాలు వున్నప్పటికీ శిరోమణిఅకాలీదళ్‌ నుంచి ఊహించిన దానికంటే ఎక్కువే పోటీ కనిపిస్తున్నది. పంజాబ్‌, మణిపూర్‌, ఉత్తరాంచల్‌, యుపి నుంచి ఇప్పటివరకుఅందిన ఫలితాలను బట్టి మాజీ ముఖ్యమంత్రులు కోయిజామ్‌, నిత్యానందస్వామి, హెచ్‌ఎస్‌ బ్రార్‌ పరాజయం పాలయ్యారు. పంజాబ్‌ ముఖ్యమంత్రి ప్రకాష్‌సింగ్‌ బాదల్‌ ఘనవిజయం సాధించారు. గుజరాత్‌ ముఖ్యమంత్రి నరేంద్ర మోడి గుజరాత్‌ ఉపఎన్నికలోవిజయం సాధించారు. కర్ణాటకలోని కనకపురా నియోజవర్గం పార్లమెంట్‌ ఉపఎన్నికలో పోటీ చేసిన మాజీ ప్రధాని దేవేగౌడ ఘనవిజయం సాధించారు.