పర్యాటక కేంద్రంగా మేడారం

వరంగల్‌ః సమ్మక్క-సారలమ్మ కొలువుదీరిన మేడారం పుణ్యక్షేత్రాన్ని భారీ టూరిస్ట్‌ కేంద్రంగా అభివృద్ధి చేయనున్నట్టుగా ముఖ్యమంత్రి చంద్రబాబునాయుడు చెప్పారు. మేడారం సమీపంలో జంపన్న వాగుపై ప్రభుత్వం హడావుడిగా వంతెనకు ఆయన శనివారం నాడు ప్రారంభోత్సవం చేశారు.

గిరిజనుల ఆరాధ్య దైవమైన సమ్మక్క-సారాలమ్మపై భక్తి శ్రద్ధలతో ఈ కేంద్రాన్ని అభివృద్ధి చేస్తున్నట్టుగా ఆయన చెప్పారు. మేడారం అభివృద్ధికి ఆయన పలు చర్యలు ప్రకటించారు. మేడారం అభివృద్ధికి దేవాదాయ శాఖ కామన్‌ గుడ్‌ ఫండ్‌ నుంచి కోటిరూపాయలు, పర్యాటక శాఖ నుంచి యభై లక్షల రూపాయలు మంజూరు చేస్తున్నామని ఆయన ప్రకటించారు.తిరుమల తిరుపతి దేవస్థానం నిధులతో ఒ భారీ కళ్యాణ మంటపాన్ని నిర్మిస్తామని చెప్పారు. ఇంగ్లీష్‌ మీడియం గురుకుల పాఠశాలకు కూడా ప్రారంభోత్సవం చేస్తున్నట్టుగా ఆయన చెప్పారు. ఈ సందర్భంగా సమ్మక్క-సారక్క దేవతలకు ముఖ్యమంత్రి తులభారం ద్వార తనఎత్తు బెల్లాన్ని సమర్పించుకున్నారు.