మంచి మిత్రుడ్ని కోల్పోయాః బాబు

న్యూఢిల్లీః లోక్‌ సభ్‌ స్పీకర్‌ బాలయోగి హఠాన్మరణం యావత్‌ భారతావనిలో ముఖ్యంగా ఆంధ్రరాష్ట్రాన్ని దిగ్భ్రాంతికి గురించేసింది. ప్రతిపక్ష, అధికారపక్షం అనే తేడా లేకుండా అన్ని పార్టీల నేతలు బాలయోగికి శ్రద్ధాంజలి ఘటించారు.

విధి ఎంత క్రూరమైంది. అత్యంత ఆప్తుడ్ని కోల్పోయాను. తెలుగునేలగర్వించతగ్గ నేతల్లో ఒకడిగా ఎదిగిన బాలయోగి ఇకలేరనే వాస్తవాన్ని జీర్ణించుకోలేకపోతున్నాను.

- ఆంధ్రప్రదేశ్‌ ముఖ్యమంత్రి చంద్రబాబు నాయుడు.

ఉజ్వల భవిష్యత్తు వున్న బాలయోగి హఠాన్మరణం దిగ్భ్రాంతికరం.

- పట్టణాభివృద్ధి శాఖ మంత్రి బండారు దత్తాత్రేయ.

హుందాతనంతో భారత ప్రజాస్వామ్య వ్యవస్థకే బాలయోగి వన్నె తెచ్చారు. క్రమశిక్షణ తప్పిన వారు ఏ రాజకీయ పార్టీ వారైనా ఆయన సహించేవారు కాదు. వివిధ రాజకీయ పార్టీల మధ్య సయోధ్య కుదర్చడంలో ఆయనకు ఆయనే సాటి.

- కాంగ్రెస్‌ అధ్యక్షురాలు సోనియా గాంధి.

పార్లమెంటరీ ప్రజాస్వామ్య వ్యవస్థకు బాలయోగి చేసినసేవలు మరువలేనివి.

- మానవవనరుల అభివృద్ధి శాఖ మంత్రి ప్రమోద్‌ మహాజన్‌

భారత దేశం ఓ గొప్ప దళిత నాయకుడ్ని కోల్పోయింది.

- బీహార్‌ మాజీ ముఖ్యమంత్రి లాలూ ప్రసాద్‌ యాదవ్‌

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!