6న అమలాపురంలో అంత్యక్రియలు

హైదరాబాద్‌ః హెలికాప్టర్‌ ప్రమాదంలో మరణించిన లోక్‌ సభస్పీకర్‌ బాలయోగికి బుధవారం నాడు ఆయనస్వస్థలమైన అమలాపురంలో అంత్యక్రియలు జరుగుతాయి. బాలయోగి భౌతిక కాయాన్ని హైదరాబాద్‌ తీసుకువచ్చి ఎన్టీఆర్‌ట్రస్ట్‌ భవన్‌ లో వుంచాలని, సోమవారం మళ్ళీ ఎదురులంక తరలించి అక్కడ అంత్యక్రియలు నిర్వహించాలని తొలుత భావించారు. ఒక దశలో ఢిల్లీలో బాలయోగి అంత్యక్రియలు జరపాలని భావించారు. అయితే చివరకు బాలయోగి భౌతిక కాయాన్ని సోమవారం హైదరాబాద్‌ లోను, మంగళవారం ఢిల్లీలోను వుంచి బుధవారం నాడు అమలాపురంలో అంత్యక్రియలు జరపాలని భావిస్తున్నారు.

అత్యున్నత పదవిఅయిన లోక్‌ సభ స్పీకర్‌ హోదాలో వున్న కారణంగా ఆయనకు నివాళులుఅర్పించేందుకు ప్రముఖులంతా హైదరాబాద్‌ తరలి రావడం ప్రస్తుత పరిస్థితుల్లో మంచిది కాదని,అందువల్ల బాలయోగి భౌతిక కాయాన్నే ఢిల్లీ తరలించాలని నిర్ణయించారు. రాష్ట్ర ప్రజలు నివాళులుఅర్పించేందుకు వీలుగా మృతదేహాన్ని ఒకరోజు హైదరాబాద్‌ లో వుంచేందుకు ఏర్పాట్లు జరుగుతున్నాయి.