కృషి వెంకటేశ్వరరావు సోదరిఅరెస్టు

విజయవాడః కృషి బ్యాంక్‌ చైర్మన్‌ వెంకటేశ్వరరావు సోదరి, ఆ బ్యాంక్‌ డైరెకర్లలో ఒకరైన సునీతను విజయవాడ పోలీసులు అరెస్టు చేశారు. కృషి బ్యాంక్‌ కుంభకోణం బయటపడిన నాటి నుంచి అదృశ్యం అయిన సునీత ఇన్నాళ్ళూ విజయవాడలోని ఓ అపార్ట్‌ మెంట్‌ లో తలదాచుకున్నారు. ఈమెపై ప్రభుత్వం 5 లక్షల రూపాయల రివార్డును కూడా ప్రకటించింది. ఈమెపై నాన్‌ బెయిలబుల్‌ వారెంట్‌ కూడా జారీ అయింది. సోమవారం తమకు అందిన ముఖ్యమైన సమాచారం మేరకు అపార్ట్‌ మెంటుపై దాడి చేసి సునీతను అరెస్టు చేసినట్లు పోలీసు అధికారులు చెప్పారు. కృషిబ్యాంక్‌ లో తాను నామమాత్రం డైరెక్టర్‌ ను అని, చాలాకాలంగా తన సోదరునితో సంబంధాలు కూడా లేవని సునీత పోలీసులకు చెప్పారు.

కేసు తదుపరివిచారణ నిమిత్తం సునీతను హైదరాబాద్‌ తరలిస్తున్నారు. సునీతఅరెస్టు తో కృషిబ్యాంక్‌ కేసులో చైర్మన్‌ వెంకటేశ్వరరావుమినహా అందరూ అరెస్టయ్యారు. వెంకటేశ్వరరావు ఆచూకీ ఇంతవరకు లభ్యం కాలేదు. ఇప్పటి వరకు వెంకటేశ్వరరావుకు చెందిన 19 కోట్ల రూపాయల ఆస్తులను ప్రభుత్వంస్వాధీనం చేసుకుంది.