ప్రమాదాల నివారణకు హైవే అథారిటీ

హైదరాబాద్‌: జాతీయ రహదారులపై ప్రమాదాల నివారణకు హైవే అథారిటీని ఏర్పాటు చేస్తామని హోం మంత్రి టి. దేవేందర్‌ గౌడ్‌ చెప్పారు. జాతీయ రహదారులపై పెరుగుతున్న ప్రమాదాల పట్ల సభ్యులు వ్యక్తం చేసిన ఆందోళనకు ఆయన మంగళవారం శాసనసభలో సమాధానమిస్తూ ఆయన ఆ విషయం చెప్పారు.

హైవే అథారిటీ బిల్లు ముసాయిదాను రూపొందించినట్లు ఆయన తెలిపారు. వచ్చే ఏడాది లోగా హైవే అథారిటీ ఏర్పాటుకు చర్యలు తీసుకుంటామని ఆయన చెప్పారు. జాతీయ రహదారుల మీద ప్రమాదాల నివారణకు పకడ్బందీ చర్యలు తీసుకుంటన్నట్లు ఆయన చెప్పారు.

జాతీయ రహదారులమీద ప్రమాదాల్లో వేలాది మంది మరణిస్తున్నారని సభ్యులు ఆందోళన వ్యక్తం చేశారు. డాబాల్లో మత్తు పదార్థాల సరఫరాను నిలిపేయాలని, తద్వారా డ్రైవర్లు మత్తు పదార్థాలుసేవించి వాహనాలు నడపడాన్ని ఆపవచ్చునని చల్లా రామకృష్ణా రెడ్డి అన్నారు. వాహనాలు నడిపేవిషయంలో, వేళల్లో ఆంక్షలు విధించాలనికె.ఆర్‌.సురేష్‌ రెడ్డి (కాంగ్రెస్‌) సూచించారు. రోడ్ల ఆక్రమణను, రోడ్లపై పార్కింగ్‌ను అడ్డుకోవాలని ఎన్‌. ఇంద్రసేనా రెడ్డి (బిజెపి) అభిప్రాయపడ్డారు.