వాజ్‌పేయిపై సోనియా ధ్వజం

న్యూఢిల్లీ: పదవి ప్రతిష్ట కాపాడుతారో, బిజెపి, సంఘ్‌ పరివార్‌ ఒత్తిడికి తలొగ్గుతారో తేల్చుకోవాల్సిన సమయం ప్రధాని అటల్‌బిహారీ వాజ్‌పేయికి వచ్చిందని ప్రతిపక్ష నాయకురాలు సోనియా గాంధీ అన్నారు. సంయుక్త పార్లమెంటరీ సమావేశంలో తీవ్రవాద నిరోధక బిల్లును వ్యతిరేకిస్తూ ఆమె ఆ మాటలు అన్నారు.

సంకుచిత రాజకీయ ప్రయోజనాల కోసం తీవ్రవాద వ్యతిరేక బిల్లును ప్రతిపాదించారని ఆమెవిమర్శించారు. తన పార్టీ, దాని అనుబంధ సంస్థల అంతర్గత ఒత్తిడికి తలొగ్గుతారో, తన కార్యాలయ ప్రతిష్టను, దేశ ప్రజాస్వామికవిలువలను నిలబెడుతారో వాజ్‌పేయి నిర్ణయించుకోవాలని ఆమె అన్నారు. లోక్‌సభలో ఆమోదం పొంది, రాజ్యసభలోవీగిపోయిన బిల్లును సంయుక్త పార్లమెంటరీ సమావేశంలో ప్రవేశపెట్టడం రాజ్యాంగ స్ఫూర్తినిదెబ్బ తీయడమేనని ఆమె వ్యాఖ్యానించారు.