పెట్రోల్‌, డీజిల్‌ ధరల నియంత్రణ రద్దు

న్యూఢిల్లీ:పెట్రోలియం ఉత్పత్తులపై ఏప్రిల్‌ ఒకటవ తేదీ నుంచి ధరల నియంత్రణను ఎత్తివేయాలని ప్రభుత్వం నిర్ణయించింది. ఈవిషయాన్ని పెట్రోలియం శాఖ మంత్రి రాంనాయక్‌ గురువారం ప్రకటించారు.

పెట్రోల్‌, డీజిల్‌ ధరలపై నియంత్రణను ఎత్తివేయడం వల్ల అంతర్జాతీయ మార్కెట్‌ను బట్టి వాటి ధరలు మారుతూ వుంటాయని ఆయన చెప్పారు. కిరోసిన్‌, వంటగ్యాస్‌లపై మాత్రం సబ్సిడీని ఐదేళ్ల పాటు కొనసాగిస్తామని ఆయన చెప్పారు.

పెట్రోల్‌, డీజిల్‌ ధరల విషయంలో సాధ్యమైనంత వరకు వినియోగదారుల ప్రయోజనాలను కాపాడేందుకు కృషి చేస్తామని, అంతర్జాతీయ మార్కెట్‌లోవీటి ధరలు చాలా ఎక్కువగా వుంటే ఎక్సైజ్‌ సుంకాన్ని సర్దుబాటు చేస్తామని ఆయన చెప్పారు.