తాజా అల్లర్లు: బరోడాలో కర్ఫ్యూ

అహ్మదాబాద్‌: గుజరాత్‌లో అల్లర్లు బరోడాలోని కొత్త ప్రాంతాలకుపాకాయి. తాజాగా అల్లర్లు చెలరేగడంతో బరోడాలోని ఆరు పోలీసుస్టేషన్ల పరిధుల్లో శనివారం కర్ఫ్యూ విధించారు.

అల్లరి మూకలను చెదరగొట్టడానికి పోలీసులు జరిపిన కాల్పుల్లో ఒక వ్యక్తి మరణించాడు. మరో ఎనమండుగురు గాయపడ్డారు. శుక్రవారం రాత్రి నుంచి బరోడాలో అల్లర్లు మొదలయ్యాయి.

భోయివాడలో ఒక వ్యక్తి కత్తిపోటుకు గురయ్యాడు. అల్లరిమూకలను చెదరగొట్టడానికి ఇక్కడ పోలీసులు కాల్పులు జరిపారు. బరోడాలోని ఈ ఆరు పోలీసుస్టేషన్ల పరిధుల్లో అల్లరి మూకలను చెదరగొట్టడానికి పోలీసులు లాఠీ ఛార్జీ చేశారు. టియర్‌ గ్యాస్‌షెల్స్‌ వదిలారు. బరోడాలోని పది పోలీసు స్టేషన్ల పరిధుల్లో కర్ఫ్యూ అమలులో వుంది.