బెంగుళూర్‌: దవడ ఎముక చిట్లడం వల్ల తాను వెస్టిండీస్‌ సిరీస్‌కు దూరంగా ఉండాల్సి రావడం తనను బాధ పెట్టడం లేదని, ఇది ఆటలో భాగమని భారత లెగ్‌ స్పిన్నర్‌ అనిల్‌ కుంబ్లే బుధవారం ఇక్కడ అన్నారు.

నేను బాగానే వున్నాను అని ఆయన బెంగుళూర్‌కు తిరిగి వచ్చిన తర్వాతవిలేకరులతో అన్నారు. గాయం అయినందుకు తాను అసంతృప్తికి గురయిన మాట వాస్తవమేనని, అయితే ఆటలో భాగమని ఆయన అన్నారు. నేను ఆ రోజు సర్జన్లను సంప్రదించాల్సి వున్నది. శస్త్ర చికిత్స గురించి వారు నిర్ణయం చేస్తారు కుంబ్లే అన్నారు.

ఆస్పత్రిలో కుంబ్లేను దంత వైద్య నిపుణుల బృందం క్షుణ్నంగా పరీక్షించి, సర్జరీ చేసేవిషయంపై నిర్ణయం తీసుకుంటుందని సమాచారం. కుంబ్లే గాయానికి గురువారం శస్త్ర చికిత్స జరగవచ్చు.