హురియత్‌తో చర్చల్లేవు: ఫెర్నాండెజ్‌

జమ్మూ: హురియత్‌ కాన్ఫరెన్స్‌తో చర్చలు ప్రారంభించే ప్రతిపాదన కేంద్రం వద్ద లేదని రక్షణ మంత్రి జార్జి ఫెర్నాండెజ్‌ చెప్పారు. తాను గురువారం చేసిన వ్యాఖ్యలపై వచ్చిన వార్తలకు ప్రతిస్పందిస్తూ ఆయన శుక్రవారం ఆ విధంగా అన్నారు.

శ్రీనగర్‌లోవిలేకరులు తనను ప్రశ్నలతో ముంచెత్తారని, ఈ సమయంలో హురియత్‌ కేంద్రంతో చర్చలను కోరుకుంటుందనేఅర్థాన్ని స్ఫురింపజేసిందని, ఈ సందర్భంలో వాళ్లు కేంద్రంతో చర్చలను కోరుకుంటే ప్రభుత్వం పరిగణనలోకి తీసుకుంటుందని తానువిలేకరులతో చెప్పానని ఆయన వివరించారు. గతంలో తాము చర్చలకు ఆహ్వానించినప్పుడు ప్రతిస్పందించనందున ప్రభుత్వం హురియత్‌ కాన్ఫరెన్స్‌విషయంలో దృఢ వైఖరి తీసుకుందని ఆయన చెప్పారు.