ఆయుధాలు వీడితే చర్చలు: ప్రభుత్వం

హైదరాబాద్‌: నిషిద్ధపీపుల్స్‌వార్‌ ఆయుధాలు వీడితేనే చర్చలు సాధ్యమవుతాయని రాష్ట్ర ప్రభుత్వం స్పష్టం చేసింది. ప్రభుత్వ ప్రతినిధులువిజయరామారావు, తమ్మినేని సీతారాం పీపుల్స్‌వార్‌ ప్రతినిధులు వరవరరావు, గద్దర్‌లతో గురువారం జరిపిన చర్చలను ముఖ్యమంత్రి నారా చంద్రబాబునాయుడు శుక్రవారం సమీక్షించారు.

తీవ్రవాదానికి అర్థవంతమైన పరిష్కారాన్ని తాము ఆశిస్తున్నట్లు ప్రభుత్వం స్పష్టం చేసింది. ఈ మేరకు రాష్ట్ర ప్రభుత్వం ఒక ప్రకటన విడుదల చేసింది. తమ చిత్తశుద్ధిని ఆసరా చేసుకుని నక్సలైట్లుఅసాంఘిక కార్యకలాపాలకు పాల్పడితే సహించబోమని హెచ్చరించింది.