ఎవరి బలవంతం లేదు: దేవయ్య

హైదరాబాద్‌: తన రాజీనామా వెనుక ఎవరి బలవంతమూ లేదని హత్య కేసులో నిందితుడైన మాజీ మంత్రి సుద్దాల దేవయ్య స్పష్టం చేశారు. ఆరోపణలు వచ్చిన వెంటనే రాజీనామా చేయాలని ఒత్తిడి చేశారని కాంగ్రెస్‌ నాయకులు చేసిన ఆరోపణల నేపథ్యంలో సుద్దాల దేవయ్య శుక్రవారంవిలేకరుల సమావేశంలో ఈ స్పష్టీకరణ ఇచ్చారు.

హత్యకేసులో నిష్పాక్షిక విచారణ కోసమే తాను మంత్రిపదవికి రాజీనామా చేశానని ఆయన చెప్పారు.కార్మికులకు సంబంధించిన ఫైలుపై తాను సంతకంచేసినట్లు వచ్చిన ఆరోపణల్లో నిజం లేదని,తాను ఏ ఫైలుపై సంతకం చేయలేదని ఆయనఅన్నారు. కార్మిక శాఖలో అవినీతిని నిర్మూలించాల్సి వున్నదనిఆయన అన్నారు. కార్మిక శాఖలోని అవినీతిపై సమగ్రవిచారణ జరిపించాలని ఆయన అభిప్రాయపడ్డారు.