ధీరూభాయ్‌ ఆరోగ్యంలో మార్పు లేదు

ముంబాయి: రిలయన్స్‌ ఇండస్ట్రీస్‌ అధినేత ధీరూబాయ్‌అంబానీ ఆరోగ్య పరిస్థితిలో ఏ విధమైన మార్పూ లేదు. ఈ నెల 24వ తేదీ నుంచి ఆయన మృత్యువుతో పోరాడుతూనే ఉన్నారు. ధీరూబాయ్‌అంబానీ ఆరోగ్యం ఇంకా విషమంగానే ఉన్నదని ఆయన కుమారుడు అనిల్‌అంబానీ శనివారం చెప్పారు.

ఇంతకు ముందు ఉన్న విధంగానే ధీరూభాయ్‌అంబానీ ఆరోగ్య పరిస్థితి ప్రస్తుతం ఉన్నదని, అంత కన్నా చెడిపోలేదని ఆయన బ్రీచ్‌ కాండీ ఆస్పత్రి వద్దవిలేకరులతో చెప్పారు. లైఫ్‌ సపోర్ట్‌ సిస్టమ్‌తో ధీరూభాయ్‌కిశ్వాస అందిస్తున్నారని, అంతకన్నా చెప్పడానికేమీ లేదని ఆయన అన్నారు.