ఎల్‌టిటిఇకి వైగో మద్దతు

ముంబాయిః తమిళ టైగర్లకు తన మద్దతు కొనసాగుతుందని ఎండిఎంకె నేత వైగో ప్రకటించారు. అమెరికా నుంచి గురువారం వేకువ ముంబాయికి చేరుకున్న వైగో విలేకరులతో మాట్లాడుతూ, పోటా కింద తన అరెస్టుకు తమిళనాడు ముఖ్యమంత్రి జయలలిత చేస్తున్న ప్రయత్నాలను తూర్పారబట్టారు.

జయ నియంతృత్వ పోకడలను తాను ఎదిరిస్తానని న్యాయపోరాటం చేస్తానని చెప్పారు. తమిళ టైగర్ల ప్రమేయం లేకుండా శ్రీలంక తమిళుల సమస్య పరిష్కారం కాదని ఆయన స్పష్టం చేశారు. శ్రీలంక సమస్య ప్రస్తావించిన ప్రతిసారి తాము అనివార్యంగా ఎల్‌టిటిఇపేరు ప్రస్తావిస్తామని ఆయన చెప్పారు. పిఎల్‌ఒ ప్రమేయం లేకుండా పాలస్తినా సమస్యను పరిష్కరించగలరా అని ఆయన ప్రశ్నించారు.