గాంధీభవన్‌లో సందడే సందడి

హైదరాబాద్‌ః రెండు రోజుల పర్యటన కోసం హైదరాబాద్‌ వస్తున్న కాంగ్రెస్‌ వ్యవహారాల రాష్ట్ర ఇన్‌చార్జీ వాయలార్‌ రవికి సమస్యలు, ఫిర్యాదులతో స్వాగతం చెప్పడానికి కాంగ్రెస్‌లోని భిన్న గ్రూప్‌లు చేస్తున్న సన్నాహాలతో గాంధీభవన్‌లో హడావుడి తారాస్థాయికి చేరింది.

కొందరు నేతలు పిసిసి నాయకుడు సత్యనారాయణరావుకు వ్యతిరేకంగా ఫిర్యాదులు చేయనున్నట్టుగా తెలిసింది. దీనిని కౌంటర్‌ చేసేందుకు ఎంఎస్‌ తన ప్రయత్నాల్లో తానున్నారు. కాగా తెలంగాణాకోసం ప్రత్యేక పిసిసి ఏర్పాటుకు డిమాండ్‌ చేయాలని తెలంగాణా ఎంఎల్‌ఎల ఫోరం నిర్ణయించింది. రవి రాకను పురస్కరించుకుని ఫోరం శుక్రవారం నాడు సమావేశమైంది. మరోవైపు తెలంగాణా ప్రత్యేక పిసిసి ఏర్పాటుకుఅంగీకరిస్తే రాయలసీమ ప్రత్యేక పిసిసికి డిమాండ్‌ చేయాలని అక్కడి నేతలు నిర్ణయించారు.