గుజరాత్‌ అసెంబ్లీ రద్దు

అహ్మదాబాద్‌ఃగోద్రా సంఘటన దరిమిలా మతకల్లోలాలతో అట్టుడికిన గుజరాత్‌లో శుక్రవారం నాడు అనూహ్య పరిణాలమాలు చోటు చేసుకున్నాయి. రాష్ట్ర అసెంబ్లీని రద్దు చేయాల్సిందిగా ముఖ్యమంత్రి నరేంద్ర మోడి అధ్యక్షతన శుక్రవారం సాయంత్రం జరిగిన రాష్ట్ర మంత్రి మండలి అత్యవసర సమావేశం చేసిన సిఫారసును గవర్నర్‌ ఎస్‌ఎస్‌ భండారి ఆమోదించారు.

అసెంబ్లీ రద్దుకు సిఫారసు చేయడంతో పాటు ముఖ్యమంత్రి నరేంద్ర మోడి ఆయన మంత్రివర్గ సహచరులు తమ పదవులకు రాజీనామా కూడా సమర్పించారు. శుక్రవారం నాడు జరిగిన కేబినెట్‌ అత్యవసర సమావేశంలో రాజీనామా నిర్ణయం తీసుకోవడంతో పాటుఅసెంబ్లీ రద్దుకు సిఫారసు చేయాలని నిర్ణయించారు. ఈ మేరకు ముఖ్యమంత్రి నరేంద్రమోడి రాష్ట్ర గవర్నర్‌ ఎస్‌ఎస్‌ భండారిని కలసిఅసెంబ్లీ రద్దు తీర్మానాన్ని, తన రాజీనామా పత్రాన్నిఅందజేశారు. ఇప్పుడున్న పరిస్థితుల్లో రాష్ట్రఅసెంబ్లీని రుద్దు చేసి ఎన్నికలు నిర్వహించడమే ఉత్తమమని నరేంద్రమోడి గవర్నర్‌తో చెప్పారు. ప్రత్యామ్నాయ ఏర్పాట్లు జరిగే వరకు ఆపద్ధర్మ ముఖ్యమంత్రిగా వ్యవహరించాల్సిందిగా మోడిని గవర్నర్‌కోరారు. గుజరాత్‌ అసెంబ్లీ గడువు మరో ఏడు నెలల్లో ముగుస్తుంది. ముందే ఎన్నికలు జరపడం ద్వారా అధికారంకైవసం చేసుకోవచ్చనే అభిప్రాయంతో బిజెపి నేతలు వున్నారు.