ఎన్నికల ఆర్డినెన్స్‌కు రాష్ట్రపతి ఆమోదం

న్యూఢిల్లీ: ఎన్నికల సంస్కరణల ఆర్డినెన్స్‌పై రాష్ట్రపతి ఎ.పి.జె. అబ్దుల్‌ కలామ్‌ ఆమోద ముద్ర వేశారు. కొన్నివివరణలు కోరుతూ రాష్ట్రపతి ఈ ఆర్డినెన్స్‌ను ప్రభుత్వానికి వాపసు చేశారు. అయితే, ప్రభుత్వం మార్పులేమీ చేయకుండా యధాతథంగా తిరిగి రాష్ట్రపతికి పంపింది. దీంతో రాష్ట్రపతి దానిపై ఆమోద ముద్ర వేశారు.

ప్రతిపాదిత చట్టంలోని కొన్నిఅంశాలపై అటార్నీ జనరల్‌ సోలీ సొరాబ్జి అభిప్రాయం కనుక్కున్న తర్వాత రాష్ట్రపతి సంతకం చేసినట్లు సంబంధిత వర్గాలు తెలిపాయి. అభ్యర్థుల ఆస్తులకు సంబంధించినఅంశంతో పాటు వారి పాత కేసుల్లో నేరస్థులుగా రుజువైన సంఘటనలకు సంబంధించినఅంశాలలు సుప్రీంకోర్టు మార్గదర్శక సూత్రాలకు అనుగుణంగా లేకపోవడంపై, అభ్యర్థిపై రెండు కిరాతక నేరాల్లో ఆరోపణలు ఉంటే అతడ్ని పోటీకి అనర్హుడిగా ప్రకటించేఅంశం లేకపోవడంపై వివరణ కోరుతూ ఈ ఆర్డినెన్స్‌ను తొలుత రాష్ట్రపతి ప్రభుత్వానికి తిరిగిపంపారు. అయితే, ఏ విధమైన మార్పులు చేయడానికి కూడా ప్రభుత్వం ఇష్టపడలేదు. తిరిగి రాష్ట్రపతి ఆమోద ముద్ర కోసం పంపింది. దీంతో రాష్ట్రపతి ఆమోదం తెలియజేయాల్సి వచ్చింది.