చిట్టిబాబు విడుదలలో ప్రతిష్టంభన

విశాఖపట్నం: తమ చెరలో ఉన్న పోలీసు కానిస్టేబుల్‌ చిట్టిబాబును పీపుల్స్‌వార్‌ నక్సలైట్లు బుధవారం సాయంత్రం వరకు కూడా విడిచిపెట్టలేదు. చిట్టిబాబు విడుదల కోసం పోలీసులు ప్రయత్నాలు చేస్తూనే ఉన్నారు.

చిట్టిబాబు విడుదలకు షరతులేమైనా ఉంటే తెలియజేయాలని, ఆ షరతులను ప్రభుత్వ పరిశీలనకుపెట్టి తీర్చే ప్రయత్నం చేస్తామని పోలీసులు నక్సల్స్‌కువిజ్ఞప్తి చేస్తున్నారు. విశాఖ ఏజెన్సీ ప్రాంతంలో ప్రజాదర్బార్‌ నిర్వహించి చిట్టిబాబుపై నక్సల్స్‌ చర్య తీసుకుంటారనే వార్తలు రావడంతో పోలీసులు, ఆయన కుటంబ సభ్యులు ఆందోళన చెందుతున్నారు. విధుల్లో చిట్టిబాబు దష్ప్రవర్తనకు పాల్పడ్డాడనే నక్సల్స్‌ ఆరోపణల్లో నిజం లేదని పోలీసులంటున్నారు. వృత్తి ధర్మానికి కట్టుబడి మాత్రమే చిట్టిబాబు పని చేశాడని వారంటున్నారు. మానవతా దృక్పథంతో చిట్టిబాబును విడుదల చేయాలని డిఐజి ప్రభాకర్‌ రెడ్డి నక్సల్స్‌కువిజ్ఞప్తి చేశారు.

ఇదిలావుంటే, చిట్టిబాబుపై ఆరోపణలు చేస్తూ నక్సల్స్‌ కొన్ని పత్రికా కార్యాలయాలకుఫాక్స్‌ ద్వారా మంగళవారం రాత్రి ఒక ప్రకటనపంపారు. చిట్టిబాబుపై చార్జిషీట్‌ దాఖలు చేసినట్లుపీపుల్స్‌వార్‌ విశాఖజిల్లా చింతపల్లి- కోరుకొండ దళ సభ్యుడు ఎర్రన్న అలియాస్‌ గంగరాజు ఆ ప్రకటనలో తెలిపాడు. ఈ లేఖను ఎర్రన్న ఈ నెల 25వ తేదీననే రాసినప్పటికీ అది 27వ తేదీ రాత్రి పత్రికా కార్యాలయాలకు చేరింది.