పాక్‌-ఆప్ఘన్‌ సరిహద్దులో లాడెన్‌

న్యూయార్క్‌ః అంతర్జాతీయ ఉగ్రవాది ఒసామాబిన్‌ లాడెన్‌ పాకిస్తాన్‌ - ఆఫ్ఘనిస్తాన్‌ సరిహద్దులో తలదాచుకున్నాడని అమెరికాసేనలు ఒక నిర్ణయానికి వచ్చాయి. లాడెన్‌ బతికి వున్నాడా? వుంటే ఎక్కడ తలదాచుకున్నాడనేవిషయంపై ఇంతకాలం మల్లగుల్లాలు పడుతున్న అమెరికాసేనలకు పాక్‌ -ఆఫ్ఘన్‌ సరిహద్దులో లాడన్‌ తలదాచుకున్నాడనివిశ్వసనీయం సమాచారం అందింది. అమెరికాకు చెందినసైనిక అధికారులు కొన్ని పత్రికలకు ఇచ్చిన ఇంటర్వ్యూల్లో
ఈ విషయాన్ని మాటల సందర్భంగా వెల్లడించారట.

గత ఏడాది అమెరికా తోరాబోరా గుహలపై దాడి చేసిన సందర్భంగా వందలాది మంది అనుచరులతో లాడెన్‌ సురక్షితంగా సరిహద్దుకు తరలివెళ్ళాడని సైనికాధికారులు భావిస్తున్నారు. లాడెన్‌, ఆయన అనుచరులు గుర్రాలపై సురక్షితప్రాంతాలకు తరలివెళ్ళి వుంటారని అమెరికా సైనికాధికారులు ఇప్పటికీ నమ్ముతున్నారు.