చిట్టిబాబు విడుదలకు మధ్యవర్తి

విశాఖపట్నం: పీపుల్స్‌వార్‌ బందీగా ఉన్న అనకాపల్లి పోలీసుస్టేషన్‌ కానిస్టేబుల్‌ చిట్టిబాబును విడిపించేందుకు ప్రభుత్వం మధ్యవర్తిని పంపింది.విశాఖపట్నం జిల్లా జి. మాడుగుల మండల పరిషత్‌ ప్రాదేశిక కమిటీ(ఎంపిటిసి) అధ్యక్షుడు వెంకటరమణ నక్సల్స్‌కు, ప్రభుత్వానికి మధ్య మధ్యవర్తిగా వ్యవహరిస్తున్నారు.

గురవారం రాత్రి వెంకటరమణ నక్సల్స్‌ను కలుసుకోవచ్చునని భావిస్తున్నారు.కాగా, ఏజెన్సీ ప్రాంతంలో ప్రభుత్వం ఏరియల్‌సర్వే నిర్వహించింది. చిట్టిబాబును వదిలేయాలని ప్రజా సంఘాలు కూడా నక్సల్స్‌కువిజ్ఞప్తి చేస్తున్నాయి. తాను చేసిన తప్పులను చిట్టిబాబు ప్రజల ముందు ఒప్పుకున్న తర్వాత అతడ్ని వదిలేయాలని ప్రజాగాయకుడు గద్దర్‌ కూడా నక్సల్స్‌నుకోరారు. స్టార్‌న్యూస్‌కు ఇచ్చిన ఇంటర్వ్యూలో ఆయన ఈవిజ్ఞప్తి చేశారు. చిట్టిబాబు ఎవరికీ నష్టం చేయలేదనిఅంటూ, అందువల్ల అతడ్ని వదిలేయాలని అతని కుటుంబసభ్యులు నక్సల్స్‌కువిజ్ఞప్తి చేశారు.