• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వీరప్పన్‌కు నాగప్ప భార్యవిజ్ఞప్తి

By Staff
|

కామగెరి: తన భర్త నాగప్పకు ఏ విధమైన హానీ తలపెట్టవద్దని, సాధ్యమైనంత త్వరగా విడుదల చేయాలని ఆయన భార్య పరిమళ అడవిదొంగవీరప్పన్‌కు విజ్ఞప్తి చేశారు. ఆమె తన విజ్ఞప్తిని ఆకాశవాణిలో ప్రసారం చేసేందుకు రికార్డు చేశారు. ఆమె తన భర్తకు కూడా సలహా ఇచ్చారు.మీ ఆరోగ్యం జాగ్రత్త, మీరు షుగర్‌ పేషంట్‌ అనేవిషయం మర్చి పోకండి అని భర్త నాగప్పకు విజ్ఞప్తి చేశారు.

తన మాటలను రికార్డు చేసే సమయంలో ఆమె తీవ్ర ఆవేదనకు, భావోద్వేగానికి గురయ్యారు. తనవిజ్ఞప్తిని వీరప్పన్‌కు చేరే వేసేందుకు ఆమెకు ఆకాశవాణి తప్ప మరో మార్గం లేదు. తన భర్తకు సంబంధించిన సమాచారం ఏమైనా తెలుస్తుందేమోనని ఆమె ట్రాన్సిస్టర్‌ను తన వెన్నంటే ఉంచుకుంటున్నారు. ప్రముఖ నటుడు రాజ్‌కుమార్‌ కిడ్నాప్‌ సందర్భంలో కూడా ఆయన భార్యపార్వతమ్మ ట్రాన్సిస్టర్‌ మీదనే ఆధారపడ్డారు.

తనను సోదరిగా భావించి, తన భర్తను బాగా చూడాలని, వెంటనే విడుదల చేయాలని కూడా పరిమళవీరప్పన్‌ను కోరారు. అధైర్యపడవద్దని ఆమె భర్త నాగప్పనుకోరారు. ప్రతిరోజూ పంచాక్షరి మంత్రం పఠించాలని కూడా ఆమె సూచించారు. నాగప్ప వాడాల్సిన మందుల గురించి ఆమె గుర్తు చేసి వాటిని తెప్పించిఅందజేయాల్సిందిగా వీరప్పన్‌కు సూచించారు.

వందలాది మంది ఇంటికి వచ్చి పరిమళను పరామర్శించి పోతున్నారు.వీరిలో చాలా మంది ప్రముఖ రాజకీయ నాయకులున్నారు. వారికి ఆమె కృతజ్ఞతలు తెలియజేస్తూ ధైర్యాన్ని కూడగట్టుకుంటున్నారు.తన భర్తను వీరప్పన్‌ వదిలిపెడతాడని ఆమె ఆశాభావం వ్యక్తం చేస్తున్నారు. రాజ్‌కుమార్‌ను విడుదల చేసిన ఉదంతాన్ని ఆమె ఈ సందర్భంగా గుర్తు చేస్తున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X