సోనియాకు మద్దతిస్తాననలేదుః జయ

చెన్నైః సోనియాగాంధీ సారధ్యంలోని కాంగ్రెస్‌ ప్రభుత్వానికి మద్దతు ఇస్తానని తాను ఏనాడూ అనలేదని తమిళనాడు ముఖ్యమంత్రి జయలలిత స్పష్టం చేశారు. సోనియా సారధ్యంలో వున్న కాంగ్రెస్‌ పార్టీకి మద్దతు ఇస్తానని చెప్పానే తప్ప సోనియాను ప్రధానిగా ఒప్పుకుంటానని ఎప్పుడూ చెప్పలేదని జయలలిత శనివారంవిలేకర్ల సమావేశంలో స్పష్టం చేశారు. సోనియా విదేశీయురాలంటూ జయలలిత తీవ్రంగా మండిపడ్డవిషయం విదితమే.

ఆ విదేశీయురాలినే మూడేళ్ళ కిందట నెత్తినపెట్టుకున్నావంటూ జయ రాష్ట్రపతికి రాసిన లేఖను కాంగ్రెస్‌ పార్టీ విడుదల చేసింది. తన లేఖను కాంగ్రెస్‌ వక్రీకరిస్తున్నదని జయలలిత శనివారం చెన్నైలో ఆగ్రహం వ్యక్తంచేశారు. దేశప్రజలను తప్పుదోవ పట్టించేందుకు కాంగ్రెస్‌ పార్టీ ప్రయత్నిస్తున్నదని జయ ఆరోపించారు. కాంగ్రెస్‌ నైతికంగా పతనంఅయిందనడానికి ఇంతకు మించిన నిదర్శనం ఏం కావాలని జయ అన్నారు. జయ రాష్ట్రపతికి రాసిన లేఖనువిలేకర్లకు చూపించి కాంగ్రెస్‌ జయను దెబ్బతీశానని సంబరపడిపోయింది. అయితే ఆ లేఖ ముడివిప్ప జయ పై చేయి సాధించింది. జయ-సోనియావివాదం మొత్తం మీద ఎటు దారితీస్తుందో వేచి చూడాలి.