సలేం పాస్‌పోర్టు: కర్నూలులో ముగ్గురిఅరెస్టు

కర్నూలు: అండర్‌వరల్డ్‌ డాన్‌ అబూ సలేంకు, సినీ నటి మోనికా బేడికి తప్పుడుపేర్లతో పాస్‌పోర్టులు జారీ చేశారనే ఆరోపణపై కర్నూలు పోలీసులు ముగ్గురు ప్రభుత్వద్యోగలనుఅరెస్టు చేశారు. పాస్‌పోర్టు ఏజెంటు అమీర్‌ ఏడాది నుంచి పరారీలో ఉన్నాడు. అతడ్నిఅరెస్టు చేయడానికి ప్రయత్నిస్తున్నారు.

అబూ సలేంకు, మోనికా బేడీకి వేరేపేర్లతో కర్నూలులో పాస్‌పోర్టు జారీ అయినట్లు వెలుగులోకి వచ్చింది. ఈపేర్లు గల వ్యక్తులున్నారా లేదా అనే విషయమై పోలీసులు ఆరా తీస్తున్నారు. ఈవ్యక్తులు నివసించినట్లు చెప్పిన వీధి కర్నూలులో లేనే లేదు. పోలీసులుఅరెస్టు చేసినవారిలో శ్రీనివాస్‌, యాసిన్‌ అనే వారితో పాటు మరో ఉద్యోగి ఉన్నాడు.పరారీలో ఉన్నఅమీర్‌ 15 ఏళ్లుగా వందలాది పాస్‌పోర్టులు ఇప్పించినట్లు పోలీసులకు సమాచారం ఉంది. అయితే, కర్నూలు నుంచి పొందిన పాస్‌పోర్టులమీదనే అబూ సలేం, మోనికా బేడీ దేశం విడిచిపోయారనే సమాచారం ఏదీ లేదని పోలీసుఅధికారులంటున్నారు. వెరిఫికేషన్‌లో లోపం వల్ల తప్పుడు పాస్‌పోర్టు జారీఅయిందని వారంటున్నారు.