విజయవాడలోకూల్చివేతలపై రగడ

విజయవాడ: విజయవాడలో రోడ్డు వెడల్పు కార్యక్రమం వివాదస్పదంగా మారింది. గత కొద్ది రోజులుగా ఆక్రమణలను కూల్చివేయడంతో పాటు రోడ్డుకడ్డు తగులతోన్న భవంతులను మున్సిపల్‌ అధికారులు కూల్చివేస్తున్నారు.

శనివారం ఏలూరు రోడ్డులో ఆక్రమణల కూల్చివేతను చేపట్టిన అధికారులను స్థానికులు, వ్యాపారుల అడ్డుకున్నారు. 100 మంది కార్మికులతో కూల్చివేతను ప్రారంభించారు. రోడ్డువెడల్పు కార్యక్రమాన్ని వీలైనంత తొందరలో పూర్తి చేయాలని అధికార్లు పట్టుదలగా ఉన్నారు. అయితే, ముందు చెప్పిన దానికన్నా ఎక్కువ మొత్తంలో కూల్చివేయడంతో పాటు పరిహారం విషయంలో అధికార్లకు, స్థానికులకు గొడవ మొదలైంది.

వుడా అధికారులు జోక్యం చేసుకొని ఇళ్ళు కోల్పోతున్న వారిని శాంతింప చేశారు. ప్రత్యామ్నయ ఆవాసాన్ని వెంటనే కల్పించడంతో పాటు పరిహారాన్ని చెల్లిస్తామని హామీ ఇచ్చారు.