ఇన్సాట్‌- 3ఎ ప్రయోగంసక్సెస్‌

ఫ్రెంచ్‌ గయానా: ఇన్సాట్‌- 3ఎ ఉపగ్రహాన్ని భారత్‌ విజయవంతంగా ప్రయోగించింది. ఫ్రెంచ్‌ గయానా నుంచి గురువారం ఉదయం నాలుగున్నర గంటల ప్రాంతంలో దీన్ని ప్రయోగించారు.

ఇన్సాట్‌- 3ఎ ప్రయోగం విజయవంతం కావడంతో భారత్‌ మరో మైలు రాయిని దాటిందని ఇస్రో చైర్మన్‌ కస్తూరి రంగన్‌ అన్నారు. ఈ కార్యక్రమంలో పాల్గొన్నవారినందరినీ ఆయన అభినందించారు. భారత్‌ ప్రయోగించిన ఉపగ్రహాల్లో ఇది అతి పెద్దది. ఇది కక్ష్యలో స్థిరపడడానికి వారం, పది రోజులు పడుతుంది. దీన్ని బుధవారం ప్రయోగించాల్సి వుండింది. అయితే స్వల్ప సాంకేతిక లోపాల వల్ల అది గురువారానికి వాయిదా పడింది.