యస్పీపై దాడి చేసింది మేమే: మావోయిస్టు నేత

ఒంగోలు: ప్రకాశం జిల్లా పోలీసు సూపరింటిండెంట్‌ (యస్పీ) మహేశ్‌ చంద్ర లడ్డాపై దాడి చేసింది తామేనని మావోయిస్టు నల్లమల ఏరియా కార్యదర్శి సుదర్శన్‌ ప్రకటించారు. ఈ మేరకు సుదర్శన్‌ పేర ఒక ప్రకటన విడుదలైంది. చిన్న సాంకేతిక లోపం వల్ల యస్పీ బతికి బయటపడ్డారని, అయితే యస్పీని తాము వదలబోమని ఆయన అన్నారు.

నాలుగు నెలల్లో యస్పీ మహేష్‌చంద్ర లడ్హా ఆరుగురిని పొట్టన పెట్టుకున్నారని ఆయన అన్నారు. ఈ దాడికి ప్రతీకారంగా ప్రభుత్వం ప్రతీకార చర్యలకు దిగితే ఇదే పద్ధతిలో సమాధానం చెప్తామని ఆయన అన్నారు. తమ టార్గెట్‌లో ఇద్దరు డియప్సీలు, ఒక కానిస్టేబుల్‌ ఉన్నారని ఆయన చెప్పారు. దాడిలో నష్టపోయిన ప్రజలకు ఆయన క్షమాపణ చెప్పారు.