ఆయుధంతో అభివృద్ధి అసాధ్యం: కెకె

మెదక్‌: ఆయుధంతో అభివృద్ధి సాధ్యం కాదని ప్రదేశ్‌ కాంగ్రెస్‌ కమిటీ (పిసిసి) అధ్యక్షుడు డాక్టర్‌ కె. కేశవరావు అభిప్రాయపడ్డారు. ఆయన తన రెండో విడత శాంతి సందేశ్‌ యాత్రను సోమవారంనాడు మెదక్‌ జిల్లా కొండపాక గ్రామం నుంచి ప్రారంభించారు. తాము ఏ యాత్ర చేపట్టినా ప్రజల సమస్యల పరిష్కారానికేనని ఆయన అన్నారు.

కులాలు, మతాలు, రాజకీయాల పేరిట రక్తపాతం సృష్టిస్తున్నారని ఆయన ఆవేదన వ్యక్తం చేశారు. గాంధీ, అంబేడ్కర్‌ విగ్రహాలకు దండలు వేస్తే సరిపోదని, వారు చూపిన శాంతి మార్గంలో నడవాలని ఆయన అన్నారు.