హైదరాబాద్‌లో విశ్వసుందరి జులైకా రివేరా

హైదరాబాద్‌: ఎయిడ్స్‌ నివారణ కార్యక్రమంలో పాల్గొనేందుకు విశ్వసుందరి జులైకా రివేరా హైదరాబాద్‌ వచ్చారు. ఎయిడ్స్‌ నివారణ కార్యక్రమంలో పాల్గొని ఆమె మాట్లాడారు. ఎయిడ్స్‌ నివారణ కోసం తాను భిన్నంగా కృషి చేస్తానని ఆమె చెప్పింది. తాను భారతదేశం వస్తానని ఎప్పుడూ అనుకోలేదని, దేవుడే ఈ కార్యక్రమం కోసం తనను భారత్‌కు రప్పించాడని ఆమె అన్నది. భారత్‌ చాలా గొప్పగా వుందని ఆమె కొనియాడింది.

నిజాయితీ అంటే తనకెంతో ఇష్టమని, ఆ నిజాయితీ తనకు భారతీయుల్లో కనిపించిందని ఆమె అన్నది. ఎయిడ్స్‌ నివారణ కోసం అందరూ కలిసికట్టుగా పనిచేయాల్సిన అవసరం వుందని ఆమె అభిప్రాయపడింది. అంతా ఒక జట్టులా పనిచేస్తే ఎయిడ్స్‌ను నివారించడం కష్టమేమీ కాదని ఆమె చెప్పింది.