ముఠా కక్షలకు ముగ్గురు బలి

కర్నూలు: కర్నూలు జిల్లాలో మరోసారి ఫాక్షన్ కక్షలు పడగ విప్పాయి. ఈ కక్షలకు ముగ్గురు బలయ్యారు. మరో ఇద్దరు గాయపడి ఆస్పత్రిలో చికిత్స పొందుతున్నారు. కర్నూలు జిల్లా గోనెగండ్ల మండలం కున్నూరు గ్రామంలో ఈ దారుణం జరిగింది. ప్రత్యర్థుల దాడిలో వెంకటేశ్వర్లు, శ్రీరాములు, హనుమంతు అనే ముగ్గురు మృత్యువాత పడ్డారు.

గతంలో సిద్ధప్పకు చెందిన పందులు చనిపోయాయి. వాటిని వెంకటేశ్వర్లు వర్గం చంపిందనేది సిద్ధప్ప ఆరోపణ. ఈ విషయంపై ఇరు వర్గాలు పోలీసు స్టేషన్లో ఫిర్యాదులు చేసుకున్నాయి. దాంతో పగలు చల్లారలేదు. గురువారం రాత్రి సిద్ధప్ప వర్గానికి చెందిన 20 మంది వెంకటేశ్వర్లుపై, అతని అనుచరులపై దాడి చేశారు. నిందితులు పరారీలో ఉన్నారు.