పివి భూములను ఆక్రమించిన సిపిఐ

కరీంనగర్: మాజీ ప్రధాని స్వర్గీయ పి.వి. నరసింహారావు భూములను మంగళవారంనాడు సిపిఐ కార్యకర్తలు ఆక్రమించుకున్నారు. కరీంనగర్ జిల్లా భీమదేవరపల్లి మండలం రాంనగరులో గల పివి భూముల్లో వారు ఎర్ర జెండాలు పాతారు. ఆందోళనకారులకు సిపిఐ రాష్ట్ర కార్యదర్శి కె. నారాయణ నాయకత్వం వహించారు. ఈ సందర్భంగా సిపిఐ నాయకులతో పివి కుటుంబ సభ్యులు వాగ్వివాదానికి దిగారు.

భూసంస్కరణలను అమలు చేసిన పి.వి. నరసింహారావు భూములను ఎలా ఆక్రమించుకుంటారని పి.వి. రాజేశ్వర రావు ప్రశ్నించారు. పివి భూములను ప్రభుత్వం పేదలకు పంచకపోతే తామే పంచుతామని నారాయణ అన్నారు.