గవర్నర్ కు యడ్యూరప్ప రాజీనామా లేఖ

బెంగుళూర్: కర్ణాటక ముఖ్యమంత్రి యడ్యూరప్ప తన రాజీనామా లేఖను సోమవారం సాయంత్రం గవర్నరుకు సమర్పించారు. దక్షిణాదిన ఏర్పడిన తొలి భారతీయ జనతా పార్టీ (బిజెపి) ప్రభుత్వం వారం రోజులకే కూలిపోయింది. జనతాదళ్ - ఎస్ మద్దతు ఉపసంహరించుకోవడంతో యడ్యూప్పరకు రాజీనామా చేయడం తప్ప మరో మార్గం లేకుండా పోయింది.

బలపరీక్షకు ముందే యడ్యూరప్ప గవర్నర్ రామేశ్వర్ ఠాకూర్ ను కలిసి తన రాజీనామా లేఖను సమర్పించారు. కాంగ్రెసుతో కలిసి జెడి-ఎస్ ప్రభుత్వాన్ని ఏర్పాటు చేసేందుకు ప్రయత్నాలు చేస్తోంది. అయితే కాంగ్రెస్ మాత్రం అందుకు పెద్దగా సుముఖత వ్యక్తం చేయడం లేదని తెలుస్తోంది. దీంతో రాష్ట్రంలో తిరిగి రాష్ట్రపతి పాలన విధించే అవకాశాలున్నట్లు రాజకీయ విశ్లేషకులు భావిస్తున్నారు.