ఎస్సార్సీపై మాట మార్చిన మొయిలీ

న్యూఢిల్లీ:రెండో ఎస్సార్సీతోనే తెలంగాణా రాష్ట్రం సాధ్యమన్న రాష్ట్ర కాంగ్రెస్ వ్యవహారాల ఇంచార్జ్ వీరప్పమొయిలీ మాట మార్చారు. రెండో ఎస్సార్సీ వేయాలా వద్దా అనే విషయాన్ని కేవలం ఆలోచిస్తున్నామంతే అని వివరణ ఇచ్చుకున్నాడు. ఇంకా ఏ నిర్ణయం తీసుకోలేదన్నారు.

ఇది ఇలా ఉంటే తెలుగుదేశం అధినేత నారా చంద్రబాబునాయుడు మాట్లాడుతూ రెండో ఎస్సార్సీపై సరైన సమయంలో స్పందిస్తామని అన్నారు. ఇదే విషయంపై కాంగ్రెస్ ఎంపీ సర్వే సత్యనారాయణ మాట్లాడుతూ రెండో ఎస్సార్సీ అంటే తెలంగాణా ప్రజలను మోసగించడమేనని అన్నారు. తెలంగాణా ఇవ్వలేని పక్షంలో పార్టీ క్షమాపణలు చెప్పాలని సర్వే డిమాండ్ చేశారు. రాష్ట్రమంత్రి బొత్స సత్యనారాయణ మాట్లాడుతూ రెండో ఎస్సార్సీ అంటే అంత భయమెందుకని ప్రశ్నించారు.