వైయస్ తెలంగాణ ద్రోహి: కెసిఆర్

హైదరాబాద్: ముఖ్యమంత్రి డాక్టర్ వైయస్ రాజశేఖర రెడ్డి తెలంగాణ ద్రోహి అని రుజువైందని తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు అన్నారు. తెలంగాణ రాష్ట్రం సాధ్యం కాదని ముఖ్యమంత్రి అనడంపై ఆయన మంగళవారం మీడియా ప్రతినిధుల సమావేశంలో తీవ్రంగా ధ్వజమెత్తారు. తెలంగాణలో ప్రజలు కాంగ్రెసును భూస్థాపితం చేస్తారని ఆయన అన్నారు. రాజశేఖర రెడ్డి ఆయన తెలంగాణ ద్రోహిగా, అబద్ధాలకోరుగా, వంచకుడిగా అభివర్ణించారు.

కాంగ్రెస్, తెలుగుదేశం పార్టీల్లోనే తెలంగాణ నాయకులు బయటకు రావాలని ఆయన పిలుపునిచ్చారు. తెలంగాణ ప్రజలను కాంగ్రెస్ వంచించిందని ఆయన అన్నారు. ముఖ్యమంత్రి డాక్టర్ వైయస్ రాజశేఖర రెడ్డి అహంకారపూరితంగా వ్యవహరిస్తున్నారని ఆయన వ్యాఖ్యానించారు.