కుష్టు నివారణ సంఘ్ పై తివారీ మండిపాటు

హైదరాబాద్: కుష్టు నివారణ్ సంఘ్ అధికారులపై గవర్నర్ ఎన్.డి. తివారీ శుక్రవారం తీవ్రంగా మండిపడ్డారు. సమావేశాన్ని రద్దు చేశారు. తప్పుడు నివేదికలు ఇస్తున్నారని ఆయన ఆగ్రహం వ్యక్తం చేశారు. పూర్తి నివేదికలతో రావాలని అంటూ ఆయన సమావేశాన్ని రద్దు చేశారు.

కుష్టు వ్యాధి నివారణకు పెద్ద సంఖ్యలో నిధులు వస్తున్నాయని, వాటిని సరిగా ఖర్చు చేయడం లేదని ఆయన అన్నారు. ప్రచారానికి వాడుతున్న కరపత్రాల్లో తెలుగు భాష లేకపోవడంపై కూడా ఆయన మండి పడ్డారు. అధికారులు ఇచ్చిన సమాధానాలతో ఆయన సంతృప్తి చెందలేదు. అడవిలో నెమలి నాట్యాన్ని ఎవరు చూడొచ్చారని ఆయన అడిగారు.