రైతులకు చిదంబరం భారీ నజరానా

న్యూఢిల్లీ: రైతులకు కేంద్ర ఆర్థిక మంత్రి పి. చిదంబరం శుక్రవారం శాసనసభలో ప్రతిపాదించిన 2008 - 2009 బడ్జెట్ లో వరాల వర్షం కురిపించారు. చిన్న, సన్నకారు రైతుల రుణాలను మాఫీ చేస్తూ, పెద్ద రైతులకు రుణాల్లో రాయితీలు కల్పిస్తూ రణ మాఫీ పథకాన్ని ఆయన ప్రకటించారు. ఆ రకంగా ఆయన 60 వేల కోట్ల రూపాయల తాయిలాలు రైతులకు ప్రకటించారు. దీని ద్వారా ఆయన ముందస్తు ఎన్నికలకు సంకేతాలు ఇచ్చినట్లు భావించవచ్చు. రైతుల రుణాల మాఫీ పథకాన్ని ఈ ఏడాది జూన్ లోగా అమలు చేయనున్నట్లు ఆయన తెలిపారు.

ఐదెకరాల లోపు భూమి ఉన్న రైతులు 2007 మార్చి వరకు తీసుకున్న రుణాలను మాఫీ చేయనున్నట్లు ఆయన తెలిపారు. ఐదెకరాల పైబడిన సాగు భూమి ఉన్న రైతులు తీసుకున్న రుణాలకు 25 శాతం రాయితీ కల్పిస్తూ వన్ టైం సెటిల్ మెంట్ సౌకర్యాన్ని ప్రకటించారు. మొత్తం బ్యాంకు రుణాల్లో 4 శాతం మాఫీ చేస్తున్నట్లు ఆయన చెప్పారు. దీని వల్ల 3 కోట్ల మంది రైతులకు ప్రయోజనం చేకూరుతుంది. రీషెడ్యూల్ చేసిన రుణాలకూ రాయితీలు కల్పించారు.