ఐటి మినహాయింపు 1.5 లక్షలకు పెంపు

న్యూఢిల్లీ: వార్షిక ఆదాయం పన్ను పరిమితిని కేంద్ర ఆర్థిక మంత్రి లక్షా యాభై వేల రూపాయలకు పెంచారు. దీంతో ఉగ్యోదులకు ఊరట లభించనుంది. మహిళలకు ఆదాయం పన్ను పరిమితిని లక్షా 80 వేల రూపాయలకు పెంచారు. అలాగే వృద్ధులకు ఆదాయం పన్ను పరిమితిని 2 లక్షల 25 వేల రూపాయలకు పెంచారు.

లక్షా 50 వేల నుంచి 3 లక్షల రూపాయల వరకు ఆదాయం గలవారికి పది శాతం, 3 లక్షల నుంచి ఐదు లక్ష రూపాయల వరకు ఆదాయం గలవారికి 20 శాతం, ఐదు లక్షల రూపాయలకు పైబడి వార్షికాదాయం గలవారికి 30 శాతం ఆదాయం పన్ను విధించనున్నట్లు మంత్రి తెలిపారు. పల్లెసీమల్లో ఆస్పత్రులు పెడితే ఐదేళ్ల వరకు పన్ను ఉండదని ఆయన చెప్పారు. కేంద్ర అమ్మకం పన్నును 3 శాతం నుంచి 5 శాతానికి తగ్గించారు. బ్యాంకు లావాదేవీలపై ఇక పన్ను ఉండదు.