దీపికతో రోమాన్స్ నిజమే: రణబీర్

ముంబయి: దీపికా పడుకోనేతో రోమాన్స్ నడుపుతున్నట్లు సావరియా ఫేమ్ రణబీర్ కపూర్ ఎట్టకేలకు అంగీకరించాడు. గత రెండు వారాలుగా తాను, దీపిక కలిసి తిరుగుతున్నట్లు అతను చెప్పాడు. తొలుత భారత క్రికెట్ జట్టు కెప్టెన్ మహేంద్ర సింగ్ ధోనీతోనూ, ఆ తర్వాత వైస్ కెప్టెన్ యువరాజ్ సింగ్ తోనూ ప్రేమాయణం సాగించిన దీపికా పడుకొనే ఇటీవల రణబీర్ కపూర్ తో ప్రేమాయణం సాగిస్తున్నట్లు వార్తలు వచ్చిన విషయం తెలిసిందే. తాము పరస్పరం ఎంతో ఇష్టపడుతున్నామని, ఆస్ట్రేలియాలో సిధార్థ ఆనంద్ బచ్నా ఎ హసీనా సినిమా షూటింగ్ లో తాము ప్రేమలో పడ్డామని రణబీర్ చెప్పాడు.

అయితే వెంటనే పెళ్లి చేసుకునే ఉద్దేశ్యాలేమీ లేవట. తమ తమ కెరీర్ లపై తాము దృష్టి పెడతామని రణబీర్ చెప్పాడు. రణబీర్ దీపిక తల్లిదండ్రులను కూడా కలిశాడని సమాచారం. వారు కూడా తనకెంతో నచ్చారని అతనుంటున్నాడు. విడివిడిగానే తమ కెరీర్ ను సాగిస్తామని, కలిసి సినిమాలకు అంగీకారం తెలపాలనేది ఏమీ లేదని రణబీర్ చెప్పాడు. ఓం శాంతి ఓం, సావరియా సినిమాల విడుదలైన తర్వాత కొద్ది కాలం వీరిద్దరు తమ సంబంధాలను కొనసాగించారు. అయితే రణబీర్ తలిదండ్రులు నీతూ, రిషీ దీపికకు నచ్చకపోవడంతో విడిపోయారు. ఆ తర్వాత దీపికా పడుకోనే యువరాజ్ సింగ్ తోనూ, రణబీర్ కపూర్ సహనటి సోనమ్ కపూర్ తోనూ కలిసి తిరుగుతున్నట్లు ప్రచారం జరిగింది.