పెప్సీకి ప్రియాంక కన్నా దీపికే ముద్దు

ముంబయి: బాలీవుడ్ నటి దీపికా పడుకొనే ఈ మధ్య కాలంలో సంచలనాలకు కేంద్రంగా మారింది. పెప్సీ తన సాఫ్ట్ డ్రింక్ కు దీపికా పడుకొనేను బ్రాండ్ అంబాసిడర్ గా నియమించుకుంది. మరో బాలీవుడ్ తార ప్రియాంక చోప్రా స్థానంలో దీపికా పడుకొనేను ఆ సంస్థ పెట్టుకుంది. షారూఖ్ ఖాన్, రణబీర్ కపూర్ కూడా ఈ కమర్షియల్ యాడ్ చేస్తున్నారు.

ఓం శాంతి ఓం సినిమాలో చూపిన ప్రదర్శనకు ఉబ్బితబ్బు అయిన పెప్సీ సంస్థ దీపికా పడుకొనేను తీసుకున్నట్లు సమాచారం. అప్పటి నుంచే దీపికా పడుకొనే ప్రియాంక చోప్రా కన్నా హాట్ ఫేవరైట్ అయింది. ప్రియాంక రెండేళ్ల క్రితం పెప్సీతో ఒప్పందం చేసుకుంది. కృష్, తదితర సినిమాల ద్వారా ప్రియాంక ఆ సమయంలో ఊపు మీద ఉంది.