మేలో భూపోరాటాలు: రాఘవులు

హైదరాబాద్: మే నెల నుంచి తిరిగి భూపోరాటాలు ప్రారంభిస్తామని సిపియం రాష్ట్ర కార్యదర్శి బి.వి. రాఘవులు చెప్పారు. రాష్ట్ర కమిటీ సమావేశంలో ఇందుకు సంబంధించిన విధివిధానాలను ఖరారు చేస్తామని ఆయన శుక్రవారం మీడియా ప్రతినిధుల సమావేశంలో చెప్పారు. మే 12, 13 తేదీల్లో ప్రభుత్వం భూ పంపిణీ కార్యక్రమం చేపడతామని అంటోందని, ఈ సందర్భంగా తాము భూపోరాటాలు చేస్తామని ఆయన చెప్పారు.

ప్రజాపథంలో ప్రజా సమస్యలపై తాము ప్రభుత్వాన్ని నిలదీస్తామని ఆయన చెప్పారు. రాష్ట్రంలోని మూడు మహా నగరాల్లో ఇప్పటి వరకు ఇందిరమ్మ గృహాల నిర్మాణమే చేపట్టలేదని ఆయన విమర్శించారు. తాము ప్రభుత్వ ప్రజా వ్యతిరేక విధానాలను ఎండగడ్తామని ఆయన చెప్పారు.