విజయనగరం జిల్లాలో చిరంజీవి అభిమానుల భారీ ర్యాలీ

విజయనగరం: విజయనగరం జిల్లా, సాలూరులో చిరంజీవి అభిమానులు శుక్రవారం భారీ ర్యాలీ నిర్వహించారు. చిరంజీవి అభిమానులతో పాటు వివిధ రాజకీయ పార్టీల కార్యకర్తలు, కళాశాల విద్యార్థులు సైతం ఈ ర్యాలీలో పాల్గొన్నారు.

ఈ సందర్భంగా అభిమానులు బ్యాండు మేళాలతో, పులి వేషాలతో భారీ స్థాయిలో కన్నుల పండువగా ప్రదర్శన నిర్వహించారు. అలాగే చిరంజీవి రాజకీయాల్లోకి రావాలని డిమాండ్ చేస్తూ ప్లకార్డులతో నినాదాలు చేశారు.

పార్టీ పేరును చిరంజీవి త్వరలో ప్రకటించాలని డిమాండ్ చేశారు. ఆయన రాజకీయాల్లోకి వస్తే తామంతా అండగా నిలుస్తామని వారు ఈ సందర్భంగా హామీ ఇచ్చారు